2,3 қарашада «Денсаулық сақтау саласындағы француз инновациялары» форумы өткізілді. Форум аясында бірқатар вебинарлар ұйымдастырылып, екіжақты келіссөздер жүргізілді.  Француз дәрігерлері қазақстандық әріптестерімен денсаулық сақтау саласындағы инновациялармен байланысты тәжірибелерімен бөлісті.

Форумды Француз Республикасының Қазақстан Республикасындағы Елшісі Дидье Каннес мырза және Қазақстан Республикасы Денсаулық сақтау бірінші вице-министрі Марат Шоранов мырза ашты.
Форумға  Қазақстан Республикасы Денсаулық сақтау министрлігі, Алматы қаласының әкімдігі, облыстық денсаулық сақтау басқармалары, жетекші мемлекеттік және жеке клиникалар, қорлар, медициналық университеттер, зертханалық желілер, медициналық техниканы өндіру және сату компаниялары қатысты.

Бұл іс-шара 2021 жылдың 12 мамырда Францияның Сыртқы сауда министрі мен Қазақстан Республикасының Денсаулық сақтау бірінші вице-министрі қол қойған ниеттер туралы декларация аясында, денсаулық сақтау саласындағы француз-қазақстандық ынтымақтастықтың жаңа кезеңі болып табылады.