10-04-2018

2018 жылдың 9 сәуірінде Сорбонна-Қазақстан институтыңда «Қазіргі әлемдегі диалог концепті: философиялық ұғыну және тәжірибе жүзінде қолданылуы» атты онлайн-конференция өткізілді.

Конференцияның мақсаты: Диалог концепті мен оны тәжірибе тұрғысынан қолдануға байланысты мәселелерді шешу жолында интеллектуалдық және академиялық пікірталастарды белсенділендіру. Онлайн-конференция мәдениеттер жақындасуының халықаралық онжылдығы шеңберінде Қазақстан мен ЮНЕСКО-ның бастамаларын (2013-2022), сонымен қатар, «Цифрлық Қазақстан» атты цифрлық білімді дамытуды қолдау мақсатында өткізілді.

Онлайн конференция төмендегі өзекті тақырыптарды талқылауға арналған:

1) диалог концептін нормативтік және әртүрлі мәдениеттерде қолданылатын айрықша мәндері тұрғысынан ұғыну;

2) диалогты білім және мәдениетаралық байланыстарда тәжірибе жүзінде қолдану;

3)орта және жоғары білім жүйесіндегі мәдениетаралық диалог саласында, атап айтқанда, дүние жүзінде әзірге аналогы жоқ, бірегей инновациялық цифрлық ресурс ретінде «Мәдениетаралық диалог» онлайн-платформасы мысалында, озық тәжірибе мен практикаларды жаю.

Конференцияға қатысушылар:

• Алматы қаласындағы ЮНЕСКО-ның Қауымдастырылған мектептері;

• Қазақстан (Алматы қаласы), Тәжікстан (Душанбе қаласы), Ресей (Мәскеу қаласы), Үндістан (Дели қаласы), Ирак (Бағдад қаласы) және басқаларының «Дінаралық түсіністікке арналған мәдениетаралық диалог» атты ЮНЕСКО/ЮНИТВИН кафедраларының жүйесі;

• Мәдениеттерді жақындастыру бойынша ЮНЕСКО Орталығы (Алматы қаласы);

• Алматы қаласындағы ЮНЕСКО-ның серіктес кафедралары (Абай атындағы ҚазҰПУ, ҚазҰУ журналистика ф-тері);

• Сорбонна-Қазақстан Институты (СҚИ);

• ЮНЕСКО Штаб-пәтері, Әлеуметтік өзгерулер мен мәдениетаралық диалог бағдарламасы (Париж қаласы);

• Қазақстан, Қырғызстан, Тәжікстан, Өзбекстан бойынша Алматы қаласындағы ЮНЕСКО-ның Аймақтық кластерлік кеңсесі;

• Қазақстан-Үндістан қоры (Алматы қаласы)