2022 жылдың 16 мамырында Сорбонна-Қазақстан Институтының ұйымдастыруымен «Конституциялық реформа-қазақстан республикасы президентінің саяси реформалар бағдарламасын іске асырудағы маңызды қадам» атты тақырыпта дөңгелек үстел өтті.

Дөңгелек үстел спикерлері: Халықаралық құқық кафедрасының меңгерушісі, Қазақстан Републикасы Конституциялық Кеңесінің экс-мүшесі заң ғылымдарының докторы, профессор С.Сабикенов, университет профессоры, ҚР еңбек сіңірген дипломаты Қ.Исағалиев және модератор, саясаттану ғылымдарының кандидаты, доцент Кәдір Нұрғалым болды. Іс-шараға студенттер, жас зерттеушілер және «Акселератор добра/Izgilik elshisi» қозғалысының еріктілері қатысты.

Дөңгелек үстел барысында спикерлер Қазақстан Республикасының Конституциясына өзгерістер енгізу бойынша бүкілхалықтық Референдум біздің тарихымызда екінші рет өткізіліп отырғанын және Конституцияға енгізілетін өзгерістер азаматтардың конституциялық құқықтары мен бостандықтарын қорғау тетігін нығайтуға бағытталғанын атап өтті. Сондай-ақ, алдағы ауқымды және маңызды өзгерістерді атап өтті.