12.10.2021 ж. Абай атындағы Қазақ ұлттық педагогикалық университетіне INALCO Директорлар кеңесінің мүшесі, Сорбонна (Франция), INALCO Ұлттық Шығыс тілдері және өркениеттері институтындағы Орталық Азия тарихы мен өркениетінің профессоры, INALCO-дағы Ресей және Еуразиялық зерттеулер орталығының басшысы, тарих ғылымдарының докторы Катрин Пужоль достық іс-сапармен келді. 

             Бұл кездесуге француз тарапынан: Қазақстан Республикасындағы Француз Республикасының Бас консулы Алексис Шахтахтинский мырза, Абай атындағы ҚазҰПУ-дың құрметті профессоры Катрин Пужоль ханым, Абай атындағы ҚазҰПУ Сорбонна-Қазақстан Институтының директоры Кристин Бутейе (Франция) ханым қатысты.  Француз делегациясын Абай атындағы ҚазҰПУ-дың Басқарма Төрағасы-Ректор Дархан Билялов мырза қабылдады.

            Кездесу барысында Абай атындағы ҚазҰПУ Сорбонна-Қазақстан институты мен INALCO университеті (Франция) арасындағы ынтымақтастықтың нәтижелері мен алдағы даму перспективалары талқыланды. Осылайша, Катрин Пужоль ханым Сорбонна-Қазақстан институты Қазақстан мен Франция арасындағы білім беру және бірлескен ғылыми ынтымақтастық саласындағы табысты ынтымақтастығы екенін атап өтті.